Fréttir

Óðinn gerði svo sannarlega flotta ferð á Akranesleikana með stóran og öflugan hóp sundmanna. Við sigrðuðum örugglega í stigakeppni félaganna og mörg góð afrek unnust.

Stjórn Óðins boðar til forendarfundar þriðjudaginn 14 júní klukkan 20:00 í kaffiteríu íþróttahallarinar ( gengið inn að sunnan). Fundurinn er fyrir alla foreldra í Óðni en sérstaklega mikilvægt er að foreldrar barna í útihópum og höfrungum mæti. Boðið verður upp á kaffi og með því.

Hulunni hefur nú verið svipt af merki AMÍ – Aldursflokkameistaramóts Íslands - sem við í Óðni höldum nú síðar í mánuðinum. AMÍ merki Óðins hafa alltaf vakið verðskuldaða athygli og því fróðlegt að sjá árangurinn nú.

Það ætlar ekki af okkur að ganga með vorhátíðina. Spáin á morgun er afleit, og þar sem það styttist óðum í AMI hefur verið ákveðið að í ár verði vorhátíðinni breytt í síðsumarshátíð. Þð er að segja við reiknum með að halda grill í ágúst. Þá gefst fólki tækifæri til að hitta nýjan yfirþjálfara félagsins og eiga skemmtilega stund saman.

Á laugardaginn fór bikarkeppni Íþróttasambands fatlaðra fram í Reykjanesbæ. Fjögur félög sendu lið til keppni, Fjörður, Ösp, ÍFR og Óðinn. Frá Óðni fóru 11 keppendur auk þjálfara og fararstjóra. Leikar fóru svo að Óðinn varð í 4. sæti með 7.898 stig en Fjörður sigraði fjórða árið í röð með 11.717 stig.

Bryndís Rún Hansen var í sveit Íslands í 4x100 metra skriðsundi kvenna sem bætti Íslandsmetið og vann til gullverðlauna á Smáþjóðaleikunum í dag. Sveitin synti á 3:51,03 mínútum og bætti metið um rétt rúma sekúndu. Sveitina nú skipuðu þær Ragnheiður Ragnarsdóttir, Ingibjörg Kristín Jónsdóttir, Bryndís Rún Hansen og Eygló Ósk Gústafsdóttir.

Bryndís Rún hóf keppni á Smáþjóðaleikunum í dag með keppni í 100 m flugsundi. Hún komst auðveldlega í úrslit og varð svo 3. í úrslitasundinu. Hún var svo einnig í sveit Íslands sem vann gull í 4x200 skrið.

Samþykkt var ráðning nýs yfirþjálfara hjá Óðni

Sextán íslenskir sundmenn eru nú staddir í Liechtenstein vegna þátttöku á Smáþjóðaleikunum. Þar á meðal er Bryndís Rún Hansen.