Fréttir

Frábær árangur Óðins á ÍM25 fatlaðra

Níu keppendur frá Óðni tóku um helgina þátt Íslandsmeistaramót fatlaðra í 25m laug. Félagið var með keppendur í 26 greinum af 28 og rökuðu þeir saman verðlaunum. Alls fékk Óðinn 30 verðlaun en veitt eru verðlaun eftir flokkum, stigum og einnig sér fyrir 16 ára á yngri og eldri í 50m greinum í fötlunarflokki S-14.

100 flug búið

Bryndís Rún synti 100 m flug í morgun á EM25. Hún fór á 1:01,96, sem er nokkrum sekúndubrotum frá aldurflokkameti hennar frá ÍM25 á dögunum. Hún lýkur svo keppni á morgun er hún syndir 50 skrið.

Bryndís búin með fyrstu grein

Bryndís Rún Hansen keppti í morgun í 50 m flugsundi. Hún synti á 27:49, rétt við Íslandsmet sitt í greininni sem er 27:24. Hún varð í 24 sæti af 35 keppendum,

Upplýsingar um ÍM 25 fatlaðra

Óðinn á 9 keppendur á Íslandsmóti fataðra í 25 metra laug sem haldið er í laugardalslauginni um helgina. Upplýsingar um mótið má finna undir liðnum Á næstinni hér til hliðar.

Bryndís hefur keppni á föstudag

Bryndís Rún Hansen er nú stödd með íslenska landsliðinu í sundi í Eindhoven í Hollandi þar sem Evrópumeistaramótið í 25 metra laug fer fram. Bryndís hefur keppni á föstudag með 50 m flugsundi, daginn eftir er komið að 100 m flugsundi og hún endar svo með 50 m skriðsundi á sunnudag. Dagskrá mótsins og úrslit

KEA styrkir Óðinn

Í dag var úthlutað úr menningar- og viðurkenningarsjóði KEA. Þar hlaut Óðinn 200 þúsund króna styrk vegna þáttöku í mótum og einnig hlaut Bryndís Rún Hansen 150 þúsund króna styrk úr flokknum ungir afreksmenn. Óðinn þakkar félaginu þessa höfðinglegu styrki en þetta er sannarlega ekki í fyrsta sinn sem félagið nýtur velvildar KEA.

Tveir keppendur frá Óðni valdir á Special Olympics

Tveir keppendur frá Óðni hafa verið valdir af Íþróttasambandi fatlaðra til þátttöku á Special Olympics leikunum sem haldnir verða á Grikklandi í júní á næsta ári. Þetta eru þau Elísabet Þöll Hrafnsdóttir og Jón Gunnar Halldórsson.

Samantekt af ÍM25 og Akureyrarmet

Hér kemur smá samantekt eftir ÍM25 um síðustu helgi. Óðinn átti 12 sundmenn á mótinu á aldrinum 12-17 ára. Heim komu fimm verðlaun, einn Íslandsmeistaratitill, átta Akureyrarmet, tvö aldursflokkamet og lágmark á Evrópumeistaramótið í 25 metra laug.

Gunni aftur dómari ársins

Á lokahófi SSÍ í gærkvöld var tilkynnt um val á dómara ársins. Sú útnefning kom annað árið í röð í hlut Gunnars Viðars Eiríkssonar, yfirdómara Óðins. Hann er vel að titlinum kominn, hefur sinnt dómarastarfinu af kostgæfni og verið duglegur að dæma bæði hér heima og einnig farið erlendis. Til hamingju Gunni!

Gamla Óðinssíðan

Heimasíða Óðins fékk nýtt útlit í nóvember 2010. Hér er aðgangur að eldri síðunni með fréttum og öðru efni. http://odinn.dev4.stefna.is/