Sundhópar

Sundhópar hjá félaginu eru margir og til viðmiðunar er þessi tafla sem sýnir skiptinguna mv. aldur. Röðun iðkenda í sundhópa er þó undir stjórn þjálfara þar sem mat er lagt á hæfni og getu, og eru hópaskiptingar sundmanna alfarið ákvörðun þjálfara

Skjaldbökur
Þetta er fyrsti hópurinn okkar. Vatnsaðlögun og unnið að því að börnunum líði vel í vatninu og læri að bjarga sér. Straumlína, spyrna frá bakka og renna, spyrna frá bakka með kork, flot, fara í kaf og blása frá sér, öndun (blása í vatnið) og hoppa út í laug, Skriðsundsfótatök á maga og baki og æfa hreyfingu skriðsundshandataksins omfl.
Leikir og hafa gaman.
Æfa í innilaug.

Sæhestar
Straumlínulögun, spyrna frá bakka og renna, hopp af bakka (stunga), fara í kaf og sækja hlut, flot á maga og baki. Skriðsunds- og baksundsfótatök, skriðsundshandatakið, baksundshandatakið, öndun í skriðsundi og lega í vatninu.
Leikir og hafa gaman.
Æfa í innilaug.

Gullfiskar
Skriðsund, baksund og flugsundsfótatök.
Öndun í skriðsundi, flot, köfun, hopp og stunga, straumlínulögun, rennsli frá bakka ofl.
Tækniæfingar og leikir :)
Æfa í innilaug.

Höfrungar (Glerárlaug og Akureyrarlaug) (ca. 8-10 ára)
Framhald af Gullfiskum.
Tækni á öllum sundaðferðum og aukið sundþol. Stunga snúningar og fjórsund.
Í þessum hóp öðlast börnin sína fyrstu keppnisreynslu utan félagsins.
Leikirnir gleymast ekki.

Krossfiskar
Sérstök börn
Yngri hópur barna með skilgreinda fötlun.

Krókódílar
Eldri hópur barna með skilgreinda fötlun.
Þessi hópur æfir í Akureyrarlaug fjórum sinnum í viku.

Framtíðarhópur (ca. 10 - 12 ára)
Hér er haldið áfram að fínpússa tækni, byrjað á þolæfingum og aðrar æfingar kynntar.
Þessi hópur tekur þátt í fjölmörgum mótum og stefna þessir krakkar helst á að ná lágmörkum fyrir Aldursflokkameistaramót Íslands sem haldið er á hverju sumri.

Úrvals- og Afrekshópur (Úrvalshópur ca. 12-14 ára, afrekshópur ca. 14 ára og eldri).
Unglinga- og afreksþjálfun.
Þetta eru úrvalshóparnir okkar og aðal keppnishóparnir. Í þessum hópum eru alltaf næg verkefni, fjölmörg sundmót, æfingabúðir og annað skemmtilegt. Aðalmótin eru Meistaramót Sundsambands Íslands og Bikarkeppnin. Í afrekshópi stefnum við á að eiga fulltrúa í landsliðshópum.

Garpar
Sundfólk 18 ára og eldri og eru auglýst sex vikna námskeið í senn. Þessi hópur er opinn fyrir alla, bæði byrjendur og lengra komna sem áhuga hafa á að stunda góða hreyfingu í skemmtilegum félagsskap. Auglýst sex vikna sundnámskeið þar sem markmiðið er að synda skriðsund eða skerpa á sundtækninni. Garpar er fyrir fólk sem vill synda sér til líkamsræktar, gamlir sundmenn eða sundmenn sem vilja ekki keppa en hafa gaman af að synda. Æfingar miða að því að læra réttu sundtökin, auka samhæfingu og bæta tækni auk þess að styrkja þol og auka úthald. Aðal markmiðið er ánægja og vellíðan með áherslu á bætt þol og tækni í sundi. 

Færsla sundmanna á milli hópa
Hópaskiptingar sundmanna eru eins og áður alfarið ákvörðun þjálfara. Sundmenn færast ekki kerfisbundið upp um hóp, heldur meta þjálfarar hvaða hópi sundmaðurinn tilheyrir, með þarfir og hagsmuni sundmannsins í huga. Til að mynda geta sundmenn færst úr framtíðarhópi í úrvalshóp og öfugt, frá úrvalshópi í afrekshóp svo dæmi séu tekin.

 

Uppfært 18.02.2021