Jón Ingi Einarsson stigahæstur á Íslandsmeistaramóti aldursflokka
Íslandsmeistaramót aldursflokka(AMÍ) 2026 fór fram í Reykjanesbæ dagana 19.–21. júní þar sem Sundfélagið Óðinn sendi 28 keppendur til leiks. Sundfélagið Óðinn hafnaði í 5. sæti í liðakeppninni og hlaut jafnframt hinn eftirsótta titil "Prúðasta lið mótsins" sem að endurspeglar virkilega góða stemningu innan liðsins.
Jón Ingi Einarsson frá Sundfélaginu Óðni var stigahæsti sundmaður mótsins í flokki 14–15 ára drengja. Hann sigraði í öllum sínum fimm greinum og varð Íslandsmeistari í 100 m bringusundi, 100 m skriðsundi, 200 m skriðsundi, 200 m fjórsundi og 400 m fjórsundi.
Íslandsmeistarar aldursflokka frá Sundfélaginu Óðni:
Jón Ingi Einarsson – 100 m bringusund, 100 m skriðsund, 200 m skriðsund, 200 m fjórsund og 400 m fjórsund
Björn Elvar Austfjörð – 200 m bringusund
Þór Bjarnar Kristjánsson – 50 m bringusund
Silfurverðlaun:
Björn Elvar Austfjörð – 100 m bringusund
Bronsverðlaun:
Björn Elvar Austfjörð – 800 m skriðsund
Stella Hansen – 50 m flugsund, 50 m skriðsund
Ösp Óladóttir – 100 m bringusund, 100 m fjórsund
Sunna Berglind Steinarsdóttir – 100 m baksund
Hrafney Eiríksdóttir – 200 m baksund
Þór Bjarnar Kristjánsson – 100 m bringusund, 50 m flugsund
Mikill meirihluti keppenda Sundfélagsins Óðins bættu árangur sinn á mótinu og var stemningin í hópnum til fyrirmyndar. Óðinn óskar sundmönnum til hamingju með glæsilegan árangur og þakkar þjálfurum, fararstjórum, foreldrum og öllum þeim sem komu að mótinu fyrir þeirra framlag.
Jón Ingi Einarsson stigahæsti sundmaðurinn í 14 - 15 ára aldursflokki drengja.