Sundfélagið Óðinn Akureyri

Rúmlega 20 krakkar úr Óðni tóku um helgina þátt í Fjölnismótinu sem haldið var í Laugardalslauginni í Reykjavík. Krakkarnir voru á aldrinum 8-12 ára og mörg hver að taka þátt í sínu fyrsta móti utan heimahaganna. Ferðin gekk vel og krakkarnir stóðu sig með mikilli prýði en gist var á Farfuglaheimilinu þar sem fararstjórnarnir elduðu ofan í hópinn.

Upplýsingar um Fjölnismótið um næstu helgi eru undir liðnum Á næstunni hér til hliðar. Brottför er kl. 14 á föstudag og við vekjum athygli á að rútan verður á planinu sunnan við Íþróttahöllina (ekki sundlaugarplaninu) þar sem þar er meira pláss.

Á vef Sundsambandsins er smá skoðanakönnun á hugmyndum að nýju einkennismerki SSÍ. Endilega kíkið á vefinn og komið ykkar skoðun á framfæri.  www.sundsamband.is

Helstu upplýsingar um æfingaferð afrekshóps til Tenerife um páskana eru nú komnar hér inn á vefinn. Sjá Tenerife 2010

Þá er komið að næstu pöntun á Óðinsgöllum. Þetta er einkennisbúningur okkar í öllum keppnisferðum, rennd hettupeysa og síðar buxur með rauðri rönd.  Frestur til að skila inn í næstu pöntun er 29. mars 2010.

Vert er að vekja athygli á að inn á myndasíðuna er nú komið fullt af nýjum myndum frá Sævari. Þetta eru myndir frá langsundsmóti, uppskeruhátíð, Reykjavík International Games og Gullmóti KR. Fara á myndasíðu

Rúmlega 40 sundmenn úr Óðni tóku þátt í Gullmóti KR um helgina. Mótið er eitt hið stærsta sem hér er haldið og virkilega góð reynsla. Keppnin gekk með ágætum, flestir voru við sitt besta og margir að bæta sig. Helst má þó geta að yngri krakkarnir bættu sig svo mikið að það hálfa væri meira en hellingur! Margir náðu AMÍ lágmörkum og erum við strax farin að hlakka til vorsins.

Hægt er að fylgjast með gangi mála á Gullmóti KR jafn óðum og greinar klárast. Bein úrslit

Þar sem skólar Akureyrarbæjar fara allir í vetrarfrí á sama tíma þá ákváðu þjálfarar sundskóla að hafa einnig vetrarfrí þessa daga, enda sýnir reynslan að mætingar hafa verið mög slakar síðustu ár. Vetrarfríið er Öskudagur, fimmtudagur og föstudagur, þ.e. 17.-19. febrúar að báðum dögum meðtöldum. Hópar sem um ræðir eru skjaldbökur, sæhestar, gullfiskar, höfrungar og krossfiskar.

Þar sem það styttist í keppnisferð hjá flestum eldri hópunum þá hef ég
ákveðið að vera með söludag. Verð í aðstöðu félagsins, Íþróttahúsinu við
Laugargötu efri hæð, miðvikud. 10. febrúar frá kl. 15:30-16:30.
Þér er velkomið að líta inn og sjá úrvalið af vörum sem er til sölu hjá
okkur. Kveðja, Sigga gjaldkeri. Sjá einnig Óðinsvörur til sölu