Reglur um foreldraráð Sundfélagsins Óðins
Foreldraráð Sundfélagsins Óðins:
- Foreldraráð heyrir undir aðalstjórn.
- Allir foreldrar/forráðamenn eiga aðild að félaginu.
- Skipa skal fjóra til fimm í stjórn ráðsins og eru þeir skipaðir til eins árs í senn, æskilegt er að einn til tveir í stjórn sitji tvö ár í senn.
- Skipa skal í stjórn fyrir 30. september.
- Foreldraráðið kýs einn úr sínum röðum yfirfararstjóra til eins árs, sem hefur yfir umsjón með fararstjórn hvers tímabils.
Hlutverk Foreldraráðsins:
- Efla og auka samvinnu á milli íþróttafélagsins og heimila. Vera hagmunaaðilar iðkenda og foreldra
- Stuðla að góðu samstarfi milli iðkenda stjórnenda og þjálfara.
- Stuðla að vellíðan iðkenda.
- Stuðla að innihaldsríku og uppbyggjandi félagsstarfi.
- Koma að fræðslumálum með stjórnendum félagsins.
- Halda utan um fararstjóramál.
- Skipa tveggja manna foreldraráð í hverjum aldursflokki- æfingahóp
- Foreldraráð hvers hóps skipuleggur 2-3 viðburði fyrir hvern hóp á hverju tímabili og/eða sameiginlega viðburði með öllum hópum félagsins
Gott fyrir foreldra að vita
- Vertu ávallt jákvæð(ur) gagnvart íþróttaiðkun barnsins
- Verið virkir félagar i starfi félagsins og nýtið ykkur það að geta stuðlað að góðu uppeldisumhverfi fyrir börnin ykkar.
- Ræðið reglulega við þjálfara og stjórn sundfélagsins
- Íhugið vel að leggja góðu starfi lið og taka þátt í stjórnarstörfum félagsins
- Haldið ykkur upplýstum um starf félagisins með því að lesa vel fréttabréf og tölvubréf í tengslum við starfið og heimsækið heimasíðu félagsins reglulega.
- Leggið mikið upp úr stundvísi sundmanna, á æfingar og sundmót.
- Kynnið ykkur vel hvað telst góð sundiðkun og hvaða reglur gilda.
- * Reynið að mæta á eins mörg sundmót og kostur er.
- * Látið þjálfara um að þjálfa, þeir eru sérfræðingarnir og vita hvað sundmönnum og liðinu er fyrir bestu í því sem viðkemur sundíþróttinni.
- Komið með ábendingar og spurningar eftir æfingar. Forðist að trufla þjálfara á meðan æfingu stendur, svo hann geti einbeitt sér að því að nýta æfingarnar vel.
- Takið þátt í dómaranámskeiðum hjá SSÍ og verið virk á sundmótum.
